حکایت حسن بصری از مناجات ارباب عاشقان

حکایت حسن بصری

حسن بصری دیور بیر گجه من

عزم ائدوردوم یولی قلبیمده محن

واردی دیلده منیم چوخ شرریم

دوشدی بیر مسجیده یولدا گذریم

من اشیدیم کی گلور غملی صدا

بیری ایلوردی او مسجیده نوا

بیری مسجیده مناجات ائلیور

آغلیور عشق و مباهات ائلیور

مسجیدی نور ائلمیشدی روشن

مسجید اولمشدی کانه گلشن

ملکوتی سس اوجالمشدی اود م

مسجید اولمشدی فلکدن اعظم

مسجیدون هر یری پر نوریدی

نوریدن هر داشی مین طوریدی

مسجید اولمشدی سراسر اعجاز

ملک ایلردی او یرده پرواز

او مناجات سسیندن  یکسر

یره تعظیم ائلیوردی گویلر

حسن بصری دیور من ناگاه

یوخونا گئتدیم اولام تا آگاه

کیمدی بو ذکر و مناجات ائلیین؟

عالمی جلوه سینه مات ائلین ؟

غرق اولدوم ولی من جلوه سینه

دایانب من قولاق آسدم سسینه

بئله ایلوردی او دم راز و نیاز

ای منیم آلاهم ای بنده نواز

اعتمادیم سنه واردور یکسر

باخماسون بندووه ،بندون نیلر ؟

ای اورگ سرّینه هردم آگاه

بختوردی کیمه سنسن آلاه

گجه نی هر کیم اولا غرق نوا

سنه دردین دییه ای بی همتا

سویلیه محضرووه غملرینی

قوزیا درگهووه اللرینی

تک و تنها گجه لر اشگیلن

سنه رازین دانشا غرق محن

ای منی خلق ائلین ای آلاه

سنه جوابین ورجگسن والاه

حسن بصری دیور حقه قسم

تا مناجات بورا چاتدی اودم

مسجیده دوشدی او اثناده طنین

اوندا بیر سس اوجالب چوخلی متین

ای منه بنده محبوبترین

اولمیان ای سنه دنیاده قرین

هر ملک واله ولوبدی سوزووه

صحبت ایله منم عاشق سوزووه

تا ائدورسن منیلن راز و نیاز

ئوزومه ایلیورم فورا ناز

هر نه ایستیسن عزیزیم ایسته

یوخدی چون سن کیمی بیر شایسته

ایستسون هر نه سنه من وررم

سنه ئوز عرشیمی من گوندررم

گرچی من خالقووم آلاهووام

من سنون عاشق و خاطیر خواهووام

حسن بصری دیور دای بوردا

منی بیهوش ائلدی اوج صدا

بیلمدیم سوزلری چاتدی نه یره

گجه نه حالدا یتیشدی سحره ؟

ئوز ئوزوملن بئله دیدیم یارب

گورسن کیمدی بو عالی منصب؟

کیمدی بو مسجیدی ایلور بی تاب

اونا آلاه ورور هر لحظه جواب ؟

کیمدی بو عشقیده غوغا ائلین ؟

مسجیدی عرش معلا ائلین

کیمدی آلاه اونی ارزنده تانور

باشنا کل ملائک دولانور

ناگهان دوردی او عالی درجات

جلوه سی ائتدی منی واله و مات

گورجگین صورت نازین تاندم

اشیدین راز و نیازین تاندم

او مناجات ائلین نور دو عین

فاطیمه اوغلی حسینیدی حسین

حسن بصرییه الان دیگون

بو سوزی سینه سی سوزان دیگون

مسجیدی ائتدی اوکی غرق صفا

وطنی اولدی اونون کر ب و بلا

پیکری عشقیده اولدی یارالی

سجده گه ایلدی بیر گودالی

او مناجات ائلیوردی قاندا

غرقیدی یا رب و یا سبحاندا

قوما قویمشدی یارالی اورگین

گوردی بیر کوفه لی ناگه کورگین

الده نیزه یتیشیب قتلگهه

قلخزب نیزه سینی باخدی شهه

ائتدی کینه ایله لبالب اورگین

اندیریب سوکدی حسینون کورگین

او زمان کرب و بلا تیتریدی

ضربه دن عرش خدا تیتریدی

بیر ننه وای بالا وای سویلیدی

بیر باجی مظلوم حسینیم دیدی

لیک قاندا بئله دیدی سلطان

ای حق قادر و حی منان     

من کی اولدوم بئله شانشان آلاه

راضی اول بو یارالیدان آلاه

سس گلیدی ائوون آباد حسین

ای اولان مفخر عُبّاد حسین

راضییام ،آز سینه می داغلا حسین

بدنونن قزووا ساخلا حسین

بسدی دای قویما وجودون بیچیله

جسم سقا کیمی جسمون کیچیله

مُهر تائید دگیب مکتبووه

الووی ساخلا با جون زینبووه

عشقوون تا باخا آئینه سینه

الووی تا کی قویا سینه سینه

لیک اظهار ائلیردی مولا

ایستیم جسمیم اولا بردا فنا

ساربانه وررم اللریمی

زینبیم بسدی ئوپه رگلریمی

 

شامه جگ غصه لی اولدوزلارمی

نیزه ده یاندرارام قزلارمی

قویارام حسرت اولاری لبیمه

دردلرین هامی دییر زینبیمه

خیزرانه وررم من لبیمی

سالارام حسرته من زینبیمی

آقاج ئوپدی نجه قانلی دوداقی

اولارام اوندا رقیه قوناقی

چاتارام نیلی جماله بالاما

بیر ئوپوش بسدی سه ساله بالاما

6/5/90

/ 11 نظر / 23 بازدید
نمایش نظرات قبلی
شما دعوت شده اید

شما دعوت شده اید موسسه تبلیغاتی و اطلاع رسانی ایران زمین از شما دعوت می کند تا با مراجعه به سایت این موسسه و ثبت سفارشات خود از خدمات پیشرفته بهرمند شوید. فرشاد قنبری صاحب امتیاز و مدیر مسوول کانون تبلیغاتی و اطلاع رسانی ایران زمین آدرس: اردبیل، خیابان باکری، نرسیده به میدان فلسطین، جنب ترانس برق، قطعه8 صندوق پستی، 591 / 56135 تلفکس: 5515609 – 0451 تلفن همراه: 09147449629 www.kanooniranzamin.blogfa.com Email:k.iranzamin2000@gmail.com

شب خیز

با سلام اقای سلیمانی شعر هر پنج در قسمت آرشیو موجود است

saman

aghaye soleymani kheyli sayt khobi darid tabrik migam

سعید احدنژاد ثمرین

هراتین قالاسێندا لشکرین آراسێندا سلطان ده‌ده‌م جنگ ایله‌ر قان آخار یاراسێندا. الینده قمچی گئزه‌ن دیزینه‌جک چکمه چئکه‌ن استر آباد حربینده ایگیتله‌ر یئره توکه‌ن و نیز این ترجیع بند: دیزینه‌جک چکمه‌لی دیرسه‌گه‌جک دۆگمه‌لی اَینێ ماهۇت گئیمه‌لی آغام ده‌ده‌م خان ده‌ده‌م مئیداندا سلطان ده‌ده‌م. یئتیمله‌رین اؤرتۆسی اۆزۆ قوْنداق اؤپۆسی درین سۇلار کؤرپۆسی آغام ده‌ده‌م خان ده‌ده‌م مئیداندا سلطان ده‌ده‌م. ائوده محبت‌لی آتام دروازه کۆره‌کلی آتام قۇرقوشوم بیلک‌لی آتام آغام ده‌ده‌م خان ده‌ده‌م مئیداندا سلطان ده‌ده‌م. ماهوتین (ماهوتویون) ساخلارام. بَئسله‌ره‌م ساغ ساخلارام. اوْغلۇن جنگه گئدنده. بوْی چینینه ساللارام آغام ده‌ده‌م خان ده‌ده‌م مئیداندا سلطان ده‌ده‌م.

سعید احدنژاد ثمرین

در بیان مصیبت حضرت زهرا (س) و مادر از بایاتی زیر استفاده می شود: باغدان باغا گلمیشم گۆل درماغا گلمیشم ایتیرمیـشــم آنامـــێ آختارماغا گلمیشــم! در فراق عزیز از دست رفته سروده می‌شود: کؤینه‌گین آغ ساخـــلارام یـۇیـــارام آغ ساخــــلارام بیرده منه قـوْناق گلسه‌ن یۆز ایل قوْناق ساخــلارام قیزیل گۆل اوْلمایایــدێ سارالێب سوْلمایایـدێ بیر آیرێلێـق بیر اؤلـــۆم هئچ بیری اوْلمایایــدێ و در داغ برادر اوْخشامای زیر را سر می‌دهند: قارداشلار، آی قارداشلار یاغێش یاغار قار باشـلار باجـێـــلار غمــــله‌نه‌نده گؤیــلۆن آلار قارداشــلار و زبانحال حال مادر فرزند مرده را این چنین داد می زنند: داغلار باشێ چمه‌نلر کهلیکله‌ر داغدا دنـله‌ر اوْغلـۇ اؤلـــه‌ن آنانێـن اۆره‌گـی تئز وره‌ملـه‌ر اۇلدۇز گؤیه دۆزۆله‌ر - علی خۇمار گؤزله‌ر سۆزۆله‌ر آهۇ مله‌ر، سس گله‌ر - بالا منیم قلبیم اۆزۆله‌ر – علی

سعید احدنژاد ثمرین

من گۆل اکیب درمه‌دیم اوْغۇل دادێن بیلمه‌دیم های دۆشدۆ اوْخلانمێسان اوْخ یاروْوی -بالا- گؤرمه‌دیم ----[یاراوۇ] باغلێ قالێب اللـه‌رین پارچالانێب حنجه‌رین گۆلمه‌دین بیر یول منه اوْخا گۆله‌ن – بالا- لبله‌رین غمله‌ریمی سانارام زیلفله‌ریمی یوْنارام [یوْلارام] گهواره‌وی ترپه‌دیب لای‌لای چالێب یانارام آهو کیمی مله‌ره‌م قان یاش گؤزه اله‌ره‌م سنی سالێب یادیمه –علی قۇنداق آچێب بله‌ره‌م عئشقون آتێب منظه‌ره – علی بالا- آدۇن دۆشۆب دیللـه‌ره قلبی یارالێ آنان – بالا قۇربان خۇمار گؤزله‌ره – بالا

سعید احدنژاد ثمرین

آلنۇندا قارا تئلون – بالا گؤرمه‌دیم –آی- شیرین دیلون قالدێ سنده‌ن یادێگار سینه‌مده –بالا- دێرناق یئرون گۆندۆز گئجه – بالا- آغلارام بالا- اۆره‌ک باشێن داغلارم گلسوْن منیم سینه‌مه – بالا اوْخ یاروْوۇ باغلارام – بالا سێنێب منیم شه‌په‌ریم قان اوْلۇب اشک-ی-تریم سۇ ایچمیشه‌م –بالا-سۆد گلیب الوْو وئرئی – بالا- دؤشله‌ریم اینجیدیب عاله‌م منی درده سالێب غم منی بالا- دؤشۆمۆ سۆد آغرێدار گل سینه‌مه ام منی باغچادا گۆل درمیشه‌م دیلبه‌ره گؤنده‌رمیشه‌م بیر اوْلان آللاهیمه – بالا سنی‌ قۇربان وئرمیشه‌م فرود از اوج: فله‌ک دانێب دۇزۇوۇ باتێرێب اۇلدۇزۇوۇ تارێ قبۇل ائله‌سین منیم املیک قۇزۇمۇ ظالێم گؤزۆ اوْیمادێ آنان سنده‌ن دوْیمادێ آیاق دۆتۆب گزمه‌گه‌- علی فله‌ک سنی قوْیمادێ آنان زیلفین هؤرمه‌ییب سن‌سیز آغ گۆن گؤرمه‌ییب هئچ قانادێ باغلێ قۇش - علی سن کیمی جان وئرمه‌ییب – بالا علی- چێرمادێن دوْرانۇوۇ آلدێ عطه‌ش جانۇوۇ اوْخ وۇران صیادیده‌ن تاری آلار –بالا- قانۇوۇ

سعید احدنژاد ثمرین

http://hazrat-e-aliasghar.blogfa.com/