یازهرا ادرکنی

 

یا فاطمه الزهرا

بیر نفر استاد دانشگاه جغرافی ددی

خلق ائدیب خلقتده  مین داش ذات حی سرمدی

 

مختلف انواع و گوناگون اولان اشکالیده

بعضیسی ارزان ولی بعضی کلان اشکالیده

 

روحیمه محنتلی بیر مطلب سالبدی سوز و تب

واردی عالمده بو قدری داش ولی یاللعجب

 

حضرت زهرا کی دنیاده یوخیدی قارداشی

یوخدی گیزلین قبرینون اوسته اقلا بیر داشی

 

وار یری قلب جهان بو محنت و درده یانا

ایکی یرده داش غمینده اوتلانبدور بوآنا

 

اولین یر کربلادی کی دوشوب حالدان حالا

جان وریدی اوغلی زهراده دیوردی جان بالا

 

تیر غملن قلبی داش اعراب قلبین سوکدولر

ئولدوروبلر تشنه اوغلون اوستونه داش توکدولر

 

دومین یر کوفه دور کی اوردا طوفان باشلانب

نیزه ده اوغلی حسین محمیلده زینب داشلانب

 

سینه زهرا اولوبدی کوفه ده داشدان یارا

هم حسین هم زینب کبرا اولوب باشدان یارا

 

بی مروت کوفیان بند وفانی قردلار

قولاری باغلی اسیر قزلاره ده داش وردلار

 

آخرین بیتیمدی بو قوی آغلاسون محنتلیلر

دیزی اوسته اگلشون بیر لحظه آی غیرتلیلر

 

آت دوشونده کوفیه گلمیشدی عباسون باشی

نوعروس باخدی اونادا وردلار محکم داشی

 

/ 1 نظر / 7 بازدید
حسین نوری

سلام انصافا شعرهای خوبی رو گذاشتی مخصوصا این شعرسنگ شاهکاره فقط فکر کنم مال خودت باشه می تونستی بال وپر زیادی بهش بدی چون ازاون چند تا روضه خوب درمی اومد چون من روحانی وروضهایم را باشعر می خونم به دردم خورد به امید روزی که بتونم یه بار درهیئت شما شرکت کنم ان شاء الله