احوالات علی اکبر علیه السلام

اکبر کیمین زمانه گوزی گورمیب جوان

اکبردی خلقتون گوزلی واردی تا جهان

ای طبعیم ائت کمک منه آواره قالمشام

وصفینده اکبرون منه ور قدرت و توان

آلاه  وریب  گوزلیگی  رخسار  اکبره

اکبر یوزونده صورت اکبر اولوب عیان

تاریک اتاقی روشن ائدردی اونون یوزی

حیران قالاردی جلوه سینه ماه آسمان

صغرایه  حق ورون  اولا  بیماری  اکبرون

اکبر  غمینده  قلبی  اولا  غملره  نشان

یوسف ئوزی اولوبدی هواخواهی اکبرون

یوسف ستاره دی ولی اکبردی کهکشان

تعظیم ائدیبدی یوسفه قارداشلاری اگر

قد  علی  اکبره  تعظیم  ائدیب  جنان

وار بیر سوزوم اورگده کی عرض ایلرم سیزه

عشق عالمی بیان ائدورم من ای عارفان

ایستیدی کی حسین  وره  آلاهه  رو نما

بیر رو نما کی قیمتی اولسون اونون کلان

مه  رو    علی   اکبرینی   رو نما   وریب

مقتلده تا حسین گوره معشوقی ،جسمی قان

چوخ ایستیردی اکبری جان تک حسین ؛داخی

پیغمبری  سالاردی  یادا  اکبر  هر  زمان

میدانه  یولادی  اونی  اوّل  قتیل  اولا

لیلا قوجالدی جبهیه تا گئتدی بو جوان

فیض  شهادته  یتیشیبدور  غرض  علی

قطعه به قطعه ائتدی اونی یعنی کوفیان

اکبر شهید اولوبدی حسین اولدی داغدار

اکبر ئولوب حسینده اولوب اوندا نیمه جان

مولا  ئوزون  یتیردی  علی  اکبره  ولی

هر بیر قدمده اولدی پریشان و نوحه خوان

یدّی  قدم  قالاندا   علی  اکبره  حسین

سست اولدی دیزلری یخلب فخر قدسیان

دای دورمادی سوروندی حسین سمت اکبره

آغوشینه آلب اونی اشگی اولوب روان

بیر بیر علی اکبرون اعضالرین حسین

یردن گوتوردی، ئوپدی ،اورگدن ائدیب فغان

ایستیدی خیمه گاهه آپارسون جنازه سین

الدن دوشیدی توپراقا هر عضوی بی امان

چیگنینن آچدی فورا عباسین سریب یره

پر پر گولون جمع ائتمگه خم اولدی باغبان

خم اولجاقین سنبدی بئلی دای دوزلمدی

قدی شکسته قالدی اولوب قامتی کمان

سعد اوغلی گورجگین بو حالی سویلدی :حسین

اوغلون ئولوب سنبدی بئلون بو محنده یان

دورد اوغلومون وجودینه بیر صدمه چاتمیب

هر دوردی ساقدی ،اکبرون ئولدی ولی جوان

سعد اوغلونا حسین ددی :ای عشقیدن اوزاق

اکبر گئدیبدی اکبریمه اولدی میهمان

پیغمبره شبیه اولانی دوقرادوز سوسوز

دورین آلبدی اکبریمون ایندی عرشیان

جبریل ئوزی گلیبدی تسلی ورور منه

اوغلوم گئدیب ،ائدیب ئوزونه عرشی آشیان

توپراقه امر ائدم سنی ،دورد اوغلووی بو دم

کامه چکر ،ائدر سیزی نابود ناگهان

گرچه اماموزم سینه مه چکدوز اوت ولی

سیزلر شقی اولون ،اولارام منده مهربان

سیز اکبری گورنده اونا عاشق اولمادوز

قلبوزده کینه علوی جوشدی بو زمان

وردوز علی کیمین بالامون باشینه یارا

باش قاشه جک بولوندی آخبدی عذاره قان

مین اوغلون اولسادا منه فخر ایلمه داخی

اکبر ئولوب وارمدی ولی نامی قهرمان

عباس تک وارمدی منیم عالی قارداشم

عباسیدور همیشه منه یار جان اولان

یوز دوتدی خیمیه او زمان سسلدی حسین

عباس گل، ئولوبدی بالام ،گل هایانداسان ؟

گل اول عصا منیم الیمه تیتریور دیزیم

احوالیمه گولور بالامی توپراقا یخان

عباسی داده سسلدی اوغلی ئولن حسین

زینب ولی ئوزون یتیریبدی دوان دوان

بیر روضه واردی بوردا نجه عرض ائدیم اونی

عفو ایله سن منی آقا یا صاحب الزمان

زینب گلنده عرصیه ،اعدای بی حیا

فورا ائدیبدی بیر بیرینه چوخلاری بیان

فرصتدی تز گلون هاممز زینبه باخاق

عباس ائدوردی بیزدن اونی دائما نهان

باخدی حسین عباده یاتان نازلی اکبره

سسلندی ای منی شرر محنته سالان

دور اکبریم آپار بی بووی سمت خیمییه

نامحرمان باخور اونا ،غیرتلیسن، اویان

/ 1 نظر / 17 بازدید
محمد پورغلامی

سلام صرفاً جهت اطلاع بگم با عکس هاي گيلان سري 4 شهر زيباي صومعه سرا آپم بدو بيا تا داغه نسوزي http://mohammadporgholami.persianblog.ir/ براي بهتر ديدن وبلاگ از نرم افزار فاير فاکس استفاده کنيد.