حسینی من چوخ ایستییم

 

بسم الله الرحمن الرحیم

سینم اولوبدی مبتلا حسینی من چوخ ایستییم

حسینه گوزلریم فدا حسینی من چوخ ایستییم

حسیندی  دلبریم  منیم  حسیندی سروریم منیم

حسیندی  مرشدیم  منیم حسیندی رهبریم  منیم

حسیندی  اولییم  منیم  حسیندی  آخریم  منیم

حسیندی   آبرو  منه  حسیندی  یاوریم  منیم

همیشه  ایلرم  ادا  حسینی  من  چوخ  ایستییم

حسین دنن قیامت ائت حسین دنن حکومت ائت

حسین  دنن ضعیفلره  عنایت  ائت محبت ائت

حسین  دنن  عروج  ائله  جهنمیده  جنت ائت

اگر اوزاقدی  کربلا  گل  هیئتین  زیارت  ائت

دنن  همیشه  بی ریا  حسینی  من  چوخ ایستییم

شرف گلیب خلوصیلن قدوم اطهرین ئوپوب

تواضع و خشوعیلن ادب گلیب درین ئوپوب

گوزلیک افتخاریلن جمال انورین ئوپوب

سمالری گزن ملک حسینون اللرین ئوپوب

دلیل اودی دیور سما حسینی من چوخ ایستییم

ددی :بیر عاشق غیور اورگده واردی عشق تبی

گیینده جسمیمه کفن مزارون اولین شبی

نکیره و منکره گرک بیان ائدم بو مطلبی

اولار سوال ائدن زمان امام و دین و مذهبی

او لحظه ایلرم نوا حسینی من چوخ ایستییم

دیوله واردی عدنیده طهور و حور دلربا

بدون درد و غصه و ملال اولوب اورا بنا

ولی ئوزون قضاوت ائت بهشت هارا حسین هارا

قسم خدای مطلقه ؛بهشت و عدن و کبریا

نقدری اولسا با صفا حسینی من چوخ ایستییم

ایکی نفر گلیبدیلر علینون آستانینه

علینون آستانه ی فرشته پاسبانینه

بیری ددی :حسینوون قسم گرامی جانینه

قضاوت ایله یا علی بو نوکرون بیانینه

سوزوم بودی کی ای آقا حسینی من چوخ ایستییم

او بیرسی عاشق غمین دیله گلیب فغانیلن

دئیشمرم حسین آدین ددی کی مین جنانیلن

تاپبدی خو منیم جانم حسین مهربانیلن

ئولم یولوندا حاضیرم همیشه روح و جانیلن

حسیندی جانیمه قوا حسینی من چوخ ایستییم

نجه اشیتدی بو سوزی امیر ملک ارتضا

گوزونن آخدی گوز یاشی بئله بویوردی مرتضا

اگر چی چوخ غمه اولوب بو غصه لی اورگ رضا

حسینون عشقی قلبیمه دولوب جهاندا از قضا

کی سیزدن آرتق هاکذا حسینی من چوخ ایستییم

 

بو سوز قوتارمامش قویوب ایاق اوجمعه فاطیمه

یوزون دوتوبدی حیدره او نابغه او عالیمه

ددی گرک ورم ئوزوم بو سوز و سازه خاتیمه

کی سندن آرتق ای علی بدون هیچ واهیمه

منم بو عشقه مبتلا حسینی من چوخ ایستییم

بو سوزلری اشیتجگین رسول ختم الانبیا

گلیب اوجمعه سویلدی حسین منی بارها

حسیندی روحیمه صفا حسیندی دینیمه قوا

فدا حسیندی دینیمه حسینه من ئوزوم فدا

بویوردی غملی مصطفا حسینی من چوخ ایستییم

حسینون عشقینون سوزی یتیشدی ذات رحمته

گلیبدی جبرئیل او دم او مرکز محبته

بیان ائدیبدی یا نبی کی چاتموسان رسالته

سلام گوندریب خدا بو مجمع فضیلته

ددی دییم سیزه خدا حسینی من چوخ ایستییم

خدا بویوردی هامیدان جهاندا عشقه لایقم

جلال کبریا منیم  هامییا فوری فائقم

جهان منیم حسین منیم  حسین آدنا شائقم

حسینی خلق ائدن منم حسینیمه من عاشیقم

کیم ایستیور منه چاتا حسینی من چوخ ایستییم

وارم خدایا بیر سوزوم خیالی اولمشام خدا

ددون حسینه عاشقم منم بو عشقه مبتلا

ولی بو سوز گرک اولا قان ایچره یاره لی ادا

گوزونده اوخ؛ یارالی باش ؛ قولیدا جسمیدن جدا

ابالفضل ایلییب نوا حسینی من چوخ ایستییم

بویوردی باتمشام قانا ؛باشم یارا؛ بدن یارا

قولوم کی یوخ ورب منه گلن یارا گئدن یارا

شمادت ایلیبدی چوخ سینه می هر ندن یارا

گنه ده ایستییم ره ولاده جسمه من یارا

نقدر اولامدا غم نما حسینی من چوخ ایستییم

منی سن ای بلا اوتی سینه می ائت یانق یانق

بوقازیمه توکول سن ای شرنگ غم قاشق قاشق

بو یاره جسمیمی ائله سن ای سه پر یارق یارق

نیزه لر  ایلیون منی ریز به ریز قابیق قابیق

دییرم عشقه آند اولا حسینی من چوخ ایستییم

دگه یارالی باشیمه عمود آهنین گنه

اگر بلا اوخی یاقا گنه بو دوقرانان تنه

مین ایل وطنده وای بالا دئسه اگر غریب ننه

مسیر عشق و معرفت عوض اولان دگل منه

منه گواه کربلا حسینی من چوخ ایستییم

رقیمون قسم اولا او فاطمی جمالینه

قسم اولا او خرداجا اورگده کی ملالینه

یوخوم هوس خدانون اول بهشت با جلالینه

اسور منیم سینم فقط حسینیمون وصالینه

بهشت اولا اونا فدا حسینی من چوخ ایستییم

 

وارمدی چون حسین ؛ اودی کی غرق در سعادتم

یارام اذیت ایلمور اگر چی پر جراحتم

ولی یامان گونه دوشوب اسیر درد و محنتم

یوخومدی سو ؛فقط فقط ربابیدن خجالتم

اورگده آه جانگزا حسینی من چوخ ایستییم

آخان سو اوت وربدی بو یارالی قانلی پیکره

جانم آخبدی توپراقا نجه کی سو آخب یره

سووا چوخ ائتدیم التماس ؛من آغلادمدا یکسره

قالا بیر آزجا مشگیده ؛ورم اونی من اصغره

اوقدری من ددیم سووا حسینی من چوخ ایستییم

من عاشقم نگاریدن گرک کی من قاباق ئولم

چکم من هجری ؛سینه ده شراره فراق ئولم

اگر چی واردی قزلارا اورگده اشتیاق ئولم

رقییه گورمییه منی خیامیدن اوزاق ئولم

وارم ابدی بیر عزا حسینی من چوخ ایستییم

یخلمشام یره  ولی  منه  بویوگ  مقام  گلیب

منه  بو  دم  کرامت  خدای  لاینام  گلیب

سیله گوزومده کی قانی بو عرصییه امام گلیب

امامیدن قاباق بورا ؛خمیده قد آنام گلیب

دیور منه دنن بالا حسینی من چوخ ایستییم

(بهروز) گرک هر عاشقون دیانتی اولا قوی

جنانیدن قشنگ اشیت گلور صدای معنوی

صداسی مضطرون گلور سویلیور همده یحیوی

انور نازنین دیور ؛بیان ائدور منزوی

هر بیری سسلنور اوجا حسینی من چوخ ایستییم

سه شنبه 31/6/1388

تهران

بهروز سلیمانی ثمرین

 

/ 0 نظر / 16 بازدید