معجزه ابالفضل العباس در حرم گرانقدرش ----شعر ترکی

معجزه حرم ابالفضل العباس

تقدیم به تمام عاشقان آن مولا

یانیوق  بیز  شرر   احساسه

عاشقوق  بردا   هامی   عباسه

قلبیمیز بیر رادارا اوخشاری وار

هاردان عباسون آدی کی اوجالار

بو رادارون موتوری فوری یانار

عباسون آدینه ساری دولانار

جان اولار اوندا سراپا احساس

دییروق آدووه قربان عباس

آقام عباسون آدی زیبادی

هر نه آد اولسا گنه باشدی آدی

مشگلاتی ائلییه حل ؛ایشیدی

کیشیلرده بو ابالفضل کیشیدی

هر نه درد اولسا معالیجدی آقام

آدا باخ؛ باب الحوائجدی آقام

گرک هر رتبه سی اعلان اولونا

هامی عالم اولا قربان قولونا

بو سوزی کی دیورم خدمتوزه

پیشکش ایلیورم نیتوزه

بو سوزه راویدی بیر خوش انفاس

خادم قبر شریف عباس

دیوری بیر گجه من خدمتده

واردم عالی اولان ساحتده

ناگهان بیر عرب درد آلود

حرمه ائتدی شتابیله ورود

دوداقی آلتدا واریدی دعاسی

قوجاقندا واردی بیر بالاسی

قوجاقندا بالا سگیز یاشدا

غرقه اولمشدی یوزی گوزیاشدا

بدنی لمسیدی باشدان ایاقا

آتا اولده باخبدی اوشاقا

سورا یوز دوتدی ضریحه اوجادان

ددی ای مشگولومه چاره اولان

اوشاقم اولمادی گلدیم قاپووا

درگهونده ائلدیم سوز و نوا

ددیم:  اولدوم سنه ای شاه ؛قوناق

اوشاقم یوخدی منه ور بیر اوشاق

منه وردون اوشاق ای حسنی جمیل

ولی باشدان ایاقا جسمی علیل

سگیز ایلدی کی محنده یانیام

بو علیل طفله باخب اوتلانیام

ایندی بو طفلی من  ای صاحب علم

وریم   هئچ   ئوزووه  ایستمیم

ناگهان نعره چکیبدور علنی

تیتریب ؛غیظه گلیبدور بدنی

آخره صبر و قراری چاتدی

بالانی سمت ضریحه آتدی

ضریحه دگدی باشی شدتیلن

سسی قوزاندی اونون محنتیلن

حرم عشق و فا باتدی غمه

سسینه هامی توکولدی حرمه

ددیم ال دگمسون هئچ کس اوشاقا

گرک اعجاز ائلیه قولسوز آقا

آقامون واردی سخا و کرمی

باب احساندی ابالفضل حرمی

ناگهان طفل ائلدی بیر حرکت

اوستونه یعنی یاقبدی برکت

گوزلرین آچدی دوروبدی ایاقا

ددیم الحق ائوون آباد آقا

حرمه دولدی اولحظه جلوات

هامی عباسه دیوردی صلوات

اوشاقی فوری من آلدم قوجاقا

یوز دوتوب سویلدیم اوندا اوشاقا

ددیم :آگاه ائله ای ناز منی

ضریحه ساری آتون آتدی سنی ‘

اوندا نه اولدی سنه ؛سویله منه ؟

نقدر آقری گلیب اوندا سنه؟

ددی :اوندا کی آتام آتدی منی

آیری بیر صحنه نی گوردوم علنی

ایکی زیبا قولی گوردوم اوندا

غرقیدی هر ایکی قول القاندا

گورمیشم معنوی بیر یول گویده

منی دوتدی او ایکی قول گویده

قالمادی اوندا غمیلن محنیم

نه باشم آقردی نده بدنیم

جسمیمون هر یرینه دگدی اوقول

سس گلیدی :بدنی درمان اول

مهربانیدی منی ناز ائلدی

قربان اولام اونا اعجاز ائلدی

او الون عطری منی مست ائلدی

بو فلج پیکریمی هست ائلدی

آتام آتدی منی کی راحت اولا

من دخیلم ایندی  اول قانلی قولا

ساخلیا کاش منی بوردا آقام

تا ئولونجگ آقا ما نوکر اولام

بو حرم گویلرده عزتدی

قبری خردا اولادا جنتدی

جسمیمه وردی بو مولا کی شفا

روحیمه قلبیمده وردی صفا

رخت احساسه گرک من بورونم

من گرک بوردا یوز اوسته سورونم

قیدیمه بردا ابالفضلدی قالب

بخته باخ کی منی آغوشه آلب

آری ای اشگی آخان عاشیقلر

درده درماندی او قانلی اللر

حیف او اللر کسیلیب دوشدی یره

کشتی عشق دوشوبدی خطره

دگدی خنجرکی ابالفضل الینه

ضربه سی دگدی حسینون بلینه

دست عباس نجه اولدی قلم

اولدی طوبا قدی رضوانیده خم

شاه  عطشان  اورگی  داغلاندی

زینبون    اللریده    باغلاندی

دست عباس نجه اولدی قلم

نظم افلاک اولوبدور برهم

گلشنه باعث اولوب یل اسیله

شاهون عطشان باشی دالدان کسیله

دست عباس آقر قیمتی وار

روز محشرده اونون عزتی وار

شیعییه باعث حرمت اولاجاق

او قول اسباب شفاعت اولاجاق

محشره فاطیمه غوغا سالاجاق

قولاری؛ اللری اوسته آلاجاق

یقاجاق باشینه پروانه لری

عشق عباسیده دیوانه لری

اوندا هر کس کی دیب یا عباس

سینه سینده اوتوروبدور احساس

آغلیب هر کیم ابالفضل قولونا

اولاجاق راهی بهشتون یولونا

18/3/1389

بهروز سلیمانی ثمرین

/ 1 نظر / 51 بازدید
خدابخش سلیمانیان

در پناه حق . افتخار ثمرینی بهروز