مولا

دیوانه ام دیوانه ابالفضل

ای قلم

ای قلم باشلا سوزی حق ئوزی تا یارون اولا

بلکه مقبول حسین یازدقون اشعارون اولا

سعی ائله دنیا سنی ائتمیه اغفال قلم

آلچاقی وصف ائلیب سن اولاسان اهل ستم

بیلیم چوخدی سوزون غصه دولان قلبیم تک

دردووی یازما هله ؛نظمه غم دلبری چک

مقصدیم هئچ بیلوسن کیمدی قلم دلبردن ؟

دلبری کی قلم اولدی قولاری پیکردن

والقلم سوره سینه آند اولا ای غملی قلم

اولماسیدی او ایکی قول سوون اوستونده قلم

ایندی نه عشق واریدی نده احساسیله غم

نه جهاندا واردی ایندی نه شاعیر نه قلم

او قلم قولار ائدیب سینه لره عشقی رقم

او قلم قولارا خاطیر دولانور الده قلم

او قلم قولار حسینون کمرین سندردی

نجه دوشدی یره زهر ا اورگین یاندردی

او ایکی قول نجه دوشدی خطر اولدی احساس

توپراقا دوشجک ائدیب توپراقی کف العباس

نجه دوشدی ددی اعدا :اورگی بولدوروق

فاتح اولدوق بیز حسینی توکولوب ئولدوروق

نجه دوشدی او ایکی قول غم و محنتله یره

زینبی سویلدی اعدا دولاروق قمچیلره

یوخدی عباس جفا کوره سینی یاندروق

صود امر اوخلیاروق ،قزلارا قمچی وراروق

نجه دوشدی ایکی قول بال ملک لرزه دوتوب

بو آقر محنته باخ عرش و فلک لرزه دوتوب

خیمه ده قزلار هامی جامه محنت گینیب

یعنی کلا هر اوشاق رخت اسارت گینیب

از دل خسته رباب ناله واویلا زد

برلب اصغر خود بوسه آخر را زد

اولدی بیر محشر عیان جنت و رضوان سولدی

وای ابالفضل ددی قزلار هاموسی باش یولدی

الی قوینوندا حسین پیکری قان اللری قان

گئتدی سرلشگرینون خیمه سینه دیلده فغان

قزلاری باشینه یقدی زینبی ائتدی صدا

صاحبی الده ئولن خیمیه باخدی مولا

اوجادان آغلادی توکدی یوزه مولا قان یاش

اللرین بیربیرینه وردی ددی جان قارداش

دولانور باشیمه الان بو بیابان قارداش

قزلارم خالی قالان خیمووه قربان قارداش

عمده نقصان یتیشیب سنسیز عزیزیم ائلیمه

سن کی یوخسان بیری یوخدی ائده درمان بلیمه

بیلوسن هئچ نیه ال چالدی منه قوم ظلام؟

بیلدیلر سن کی یخلدون دای ایشیم اولدی تمام

بیلوسن هئچ نیه گولدی منه اشرار دغا؟

بیلدیلر دای آدامم یوخدی منه یاور اولا

باخب هی اغلادی اندوه وجودین دوتدی

خیمه نون گلدی حسین محکم عمودین دوتدی

ناگهان وردی عموده حرکت شاه غریب

خیمه آلتدان او عمودی اورگی غملی چکیب

خیمه حضرت عباس یاتب اوندا یره

اصغریم غملی رباب سویلدی چخماز سحره

خیمه تا یاتدی یره فورا حسین ائتدی بیان

قزلارم آغلیون عباس عموزا سیز اوجادان

زینبیم درد ابالفضلیمی آلاهدا بیلیب

اوجا بوی قارداشمون یاسینه زهراده گلیب

قارداشم ئولدی باجی فکری پریشان گزییم

اللریمنن یاپشا اکبری الان گزییم

غم اوتون سینه پر دردیمه سالدم زینب

باخ منه گور نه یامان یرده قوجالدم زینب

یا اباعبدالله الحسین

یکشنبه 10/11/89

ساعت 43و 1 بامداد

ک ب س ث

/ 3 نظر / 11 بازدید
یاور منظوری

سلام منم لینکت کردم در جواب سوال شما بگم که اردبیل هستم

شهبازپور

آفرین عالی بود

Kissing Guide

I'm Glad i found this blog.Added comments.persianblog.ir to my bookmark! Check out my Kissing Guide !